Norled skriv tysdag i ei driftsmelding at det vil bli redusert kapasitet i B-ruta på Hareid - Sulesund ei tid framover. Dette på bakgrunn av at MF "Ullensvang" er på årleg verkstadopphald og dermed ute av drift. Det er MF "Høgsfjord" som går i B-ruta. Denne ferja har plass til 75 bilar.
MF "Bjørnefjord" er inne i sambandet, men går i C-ruta. Dette er systerferja til MF "Ullensvang" og har kapasitet på 105 bilar. Det betyr at kapasiteten i C-ruta vil vere noko større enn vanleg.