Alle dei tre ferjene på Hareid-Sulesund er fredag morgon innstilte på grunn av tjukk skodde.
- Skodde er grauttjukk, vi ser nesten ingen ting herifrå, seier Kjetil Tafjord, styrmann på Tidefjord.
Ferja gjekk frå Sulesund klokka 03.00 i natt og ligg no utanfor moloen på Hareid.
- Vi kjem oss ikkje til kai på grunn av skodda, så her har vi lege sidan like før klokka 03.30 i natt, fortel Tafjord.
Tidefjord har ein bil med førar om bord, i tillegg til mannskapet.
- Det er ikkje ofte vi vert stoppa av skodde, men det same skjedde for rundt to år sidan, fortel styrmann Tafjord.
Dei andre ferjene i sambandet er også innstilte.
Høgsfjord ligg på Sulesund, medan Bjørnefjord ligg ved kai på Hareid.
Oppdatering: Norled skriv i ei driftsmelding at det blir normal drift i sambandet frå 09:30.