(NPK-NTB): Det er i overkant av 5.200 ordinære private og kommunale barnehagar i Noreg.

– Det er sannsynleg at mange barnehagar er i god gang med å rekruttere nye tilsette, men det er samtidig vanskeleg for oss å spekulere på om tala har endra seg det siste halvåret, seier Irene Hilleren, avdelingsdirektør i Utdanningsdirektoratet.

Nye krav

Stortinget har bestemt at det skal vere maksimalt tre barn under 3 år per vaksen og maksimalt seks barn over 3 år per vaksen. Krava blir innførte 1. august, og barnehagane har fått eitt år på å innfri kravet. Samtidig blir det også innført ei skjerpa pedagognorm som regulerer kor mange pedagogfaglege tilsette det skal vere per barn. Gjennomgangen viser at dei små kommunane i gjennomsnitt har færre barn per tilsett enn dei større kommunane, men det er stor variasjon innan gruppa. Det viser seg også at dei små barnehagane har gjennomgåande betre bemanning enn dei store.