Tolv helikopter er i beredskap i juli for raskt å kunne hjelpe lokale brannvesen ved behov.
– Skogbrannfaren er no så høg i betydelege delar av landet at beredskapen med skogbrannhelikopter må aukast ytterlegare for å kunne handtere og sløkke stadig nye skogbrannar, seier statssekretær Thor Kleppen Sættem (H) i Justis- og beredskapsdepartementet.
Staten dekkjer kostnadane til helikoptera slik at dei lokale brann- og redningsvesena får eit nødvendig hjelpemiddel til sløkking av skogbrannar, legg statssekretæren til.
Hittil i år har det vore 296 skogbrannar, nesten like mange som i heile fjor. Statens skogbrannhelikopter er i beredskap i perioden 15. april til 15. august.