– Vi må ikkje vere redde for å snakke med og lytte til borna

– Vi må ikkje vere redde for å snakke med og lytte til borna, seier Evelyn Røren. 40-åringen frå Brandal er trussel- og familievaldskoordinator i Møre og Romsdal politidistrikt.  Foto: Linda Eikrem

Nyhende

– Eg har hatt ei utruleg bratt læringskurve, og det har vore veldig givande.

Evelyn Røren tek imot lokalavisa på kontoret sitt på politihuset i Ålesund, der «det stadig blir felt tårer, så eg har alltid sånn grinepapir her». Ho jobbar med dei tyngste sakene, dei som handlar om vald og overgrep mot born og vaksne.