Under formannskapsmøtet i Hareid torsdag opplyste planleggar Silja Øvrelid at Fylkesmannen hadde oppheva vedtaket i batterihus-saka ved Hareid ferjekai.
Saka må difor behandlast på nytt.
Det vil i klartekst seie at Fylkesmannen vender tommelen ned for dei alternative batterihus-plasseringane som hareidspolitikarane har peikt på.
Batterihusa må på plass når nye, elektrisk drivne ferjer skal i drift i sambandet Hareid-Sulesund frå 1. januar.
– Heilt meiningslaust
Oskar Grimstad (FrP) sa seg skuffa over Fylkesmann-vedtaket. Det hadde vore lagt fram to-tre andre alternativ, rett nok litt dyrare, men like hensiktsmessige, slo han fast.
– Eg er forundra over at dei går den vegen, sa han.
Ordførar Anders Riise (H) var også skuffa.
Han konstaterte at Fjord1 hadde valt å køyre klagesaka uavhengig av dei andre alternativa, sjølv om dei kjende til dei. Han trudde saka kunne ha fått eit anna utfall dersom Fjord1 hadde hatt ein tettare dialog med kommunen.
Bernt Brandal (Folkelista) fann det rart at Fjord1 ikkje tok inn over seg at saka kunne skade omdømet deira.