(NPK): – Eg meiner bestemt at det er eit generasjonsskifte på gang. Det verkar som om yngre folk, gjerne småbarnsfamiliar, har større vilje til å kjøpe seg enkle hytter som det er lett å komme seg til, fortel leiar Kai Ekstrøm i Drammensmarka hytteeierforening til Dagens Næringsliv (DN).
Også eigedomssjef Per-Einar Eriksen i Løvenskiold-Vækerø i Oslo melder om aukande interesse for enkle hytter.
– Vi har fått inn ei ny kundegruppe, den urbane familien, som gjerne bur sentralt og som ønskjer å oppleve ein annan type hytteliv. Vi kan få opp mot 200 førespurnader på leigehytter med svært enkel standard, seier han til avisa.