– Eg håpte å få svar på kva som skjedde dei første åra

Erika Vanessa Brandal hadde med seg mange spørsmål då ho reiste frå Ulsteinvik til Costa Rica i slutten av august.
Nyhende

– Eg har nok ikkje fått svar på alt, fortel 36-åringen. Ho er komen heim til Ulsteinvik etter fire veker i fødelandet. No er ho klar for å fortelje om korleis det var å møte si biologiske familie. – Eg følte at alle venta at eg skulle vere overlukkeleg, glad og rørt- slik som dei. Men det var eg ikkje.

Erika Vanessa vart plassert på barneheim då var eitt år, og to år gamal då ho vart adoptert til Noreg. Før ho reiste til Costa Rica, fortalde ho historia si i Vikebladet Vestposten. «Kvifor vart eg gitt vekk, var eg ikkje bra nok? Det har eg lurt på heile livet», fortalde ho. Først i vår fekk ho kontakt med si biologiske familie: mora, ein bror, mormora, ei tante og ein skokk med søskenbarn. «Eg har veldig mange spørsmål, det er hovudårsaka til at eg fer til Costa Rica no», sa ho til lokalavisa før avreise.