Skal frakte turistar til Grasøya

Flø Feriesenter får lov til å frakte turistar med båt til Grasøya. Det har Fylkesmannen avgjort.
Nyhende

– Øya ligg rett i synsfeltet med det same eg står opp om morgonen. Så eg har tenkt på dette i rundt tjue år, om det hadde det vore mogleg å kome seg ut til Grasøya og bruke området der, fortel Eldar-Stein Flø.

Han er dagleg leiar og ein av eigarane av Flø Feriesenter. Søknaden som no er innvilga av miljøvernavdelinga hos fylkesmannen, gjeld dagsturar til fyret i perioden 1. juli til 15. august. Løyvet gjeld frå neste sommar og i tre år framover. – Meininga er å frakte 4–6 personar i båt ut til øya, og det blir maks fire turar i veka, fortel Flø.