Reagerer på nytt billettsystem på Hareid - Sulesund:

– Ikkje godt nok

På ferjebillettane til den nye ferja står det ikkje prisen på reisa. Det gjer at Kåre Leif Haddal (78) får problem med å få refundert pasientreisene sine.

Priceless På dei nye ferjebillettane står det ikkje kva den reisande har lagt ut for reisa over fjorden. Det byr på problem når ein skal få refundert reisa.  Foto: Jorulf Myrene.

Det er ille nok å ha kreft, om eg ikkje i tillegg må drive å krangle om dette.

Kåre Leif Haddal
Nyhende
  • Skriven av  Ingvild Aursøy Måseide

I fjor var Kåre Leif Haddal 39 turar på sjukehuset i Ålesund. Dette er reiser han får refundert i ettertid, så lenge han søkjer om det og dokumenterer kva utgifter han har hatt. Det har til no gått heilt fint. På ferjebillettane til Norled stod det kva Haddal hadde betalt på overfarten.

Men frå nyttår er det Fjord1 som har trafikkert sambandet Hareid-Sulesund. Og på billettane på dei nye ferjene står det ikkje kva billetten kostar. Haddal fortel at han har bede mannskapet på ferja om dei kan skrive på billetten kva han kostar. Men nei, det kan dei ikkje.