– Å strikke er som å drive med yoga

Karsten Melø likar ikkje å vere i fokus og har absolutt ikkje noko trong for å verte slått opp over fleire sider i lokalavisa. Men etter ein smule press går han med på det. – Eg vil ikkje ta meg sjølv for høgtideleg, seier han.

  Foto: Sturla Pilskog

Nyhende

Karsten, 42 år gamal, har budd i Ulsteinvik i 14 år og er ein svært godt likt lege i kommunen. Eg har oppsøkt han av ei heilt anna årsak, han er mann og han strikkar. Det gjer han ikkje so ofte offentleg, men nokre gangar i offentleg ærend, som når han er på sjukebesøk hos dei eldre i kommunen. Akkurat det kjem vi tilbake til.