I ei pressemelding frå Sunnmøre politidistrikt forklarar politimeister Jon Steven Hasseldal avgjerda slik:
- Lensmannskontora i Volda og Ørsta har vore i Hovdebygda under same tak sidan 2011. Denne samlokaliseringa har hatt særs positivt effekt på resultatoppnåinga og har styrka det faglege miljøet. Vi har sett fram til å få eit vedtak der ein no tok steget heilt ut og slo saman lensmannsdistrikta under ein lensmann.
Den mannen heiter altså Guttorm Hagen. Han har sidan i fjor fungert som lensmann for begge lensmannskontora. Sjølve målet med samanslåinga er å styrke kompetansen og tenesetenivået innan førebygging, etterforsking, patruljering og beredskap i dei to kommunene.
Kulø held fram
Samstundes har det blitt klart at Odd Kulø held fram i stillinga som lensmann i Ulstein og Hareid. Lensmannsstillinga i Sande og Herøy skal derimot lysast ut innan kort tid.