Nye rundkøyringar og industribygg som et seg inn på, gjer at det spøkjer for framtida til samlingshuset Trudvang på Hareid. Men mange lag på Hareid brukar Trudvang dagleg, og har ingen annan stad å vere. Vi treng Trudvang, varslar dei.
Trudvang er boltreplass både for små turnarar i rosa kjolar, rockemusikarar og Hareid Amatørteater. Både Linda Riise, leiar i turngruppa til Hareid Idrettslag, Andreas Grimstad og Andre Smoge i Hareid rockelaug og Oddvar Haugen, leiar i Hareid amatørteater, meiner laga deira blir sett i ei kattapine dersom Trudvang blir fjerna.