Høgre-representanten Therese Leine hadde eigentleg eit permisjonsvedtak over seg. Likevel stilte ho på Høgre-benken i Hareid kommunestyre torsdag, trassa Høgre si line i saka og gjorde at KLP gjekk sigrande ut av konkurranseutsetjinga av pensjonsordningane i Hareid.
Therese Leine braut ut av Høgre-gruppa og sikra at KLP held fram som pensjonsleverandør for ei lønsmasse i Hareid kommune på 49 millionar kroner. Etterpå var det hard diskusjon om kor vidt ho hadde lov til å stemme.