Yr.no har torsdag sendt ut Obs-varsel for heile kysten frå Rogaland i sør til Trøndelag i nord. Grunnen er til dels sterk vind fredag og stormflo både fredag og laurdag.

Fredag ettermiddag er det venta opp til liten storm frå sørvest på kysten av Møre og Romsdal. Det blir vanskelege køyreforhold i fjellet og ute ved kysten er det risiko for høg vasstand - opp mot 60-85 centimeter over høgda i tidevasstabellane.

Temperaturane i langtidsperioden skal ligge mellom 4 og 8 grader på Hareidlandet den komande veka, og det vil vere moglegheiter for snø frå om lag 7-800 meter og oppover.

Til helga er det venta både kraftig vind og høg vasstand.