Vinnar av Den store Draktkampen

Enormt engasjement og lokal mobilisering gav ein heseblesande sluttspurt i Den store Draktkampen. Til slutt var det Hovdebygda IL si fotballtrøye som blei kåra til tidenes tøffaste på søre Sunnmøre. Laget fekk enorme 49 759 stemmer, og førstepremien på 30 000 kroner frå Tussa. Volda TIL kom hakk i hel med 47 804 stemmer, og fekk ein premie på 10 000 kroner.

I Hovdebygda-raudt: leiar Arild Holen, Paul Rune Ingebrigtsen og Jan Olav Dagfinrud. I Volda-grønt: leiar Åse Leikanger og Martin Ove Roseth. Olav Sindre Kriken frå Racer, som har vore med å utvikla Facebook-konkurransen. Sals- og marknadssjef i Tussa, Lise Ulstein

I byrjinga av november lanserte Tussa nye nettsider og Facebook-sider. I samband med det sparka dei i gang ein konkurranse for å kåre den tøffaste fotballtrøya på søre Sunnmøre. 19 fotballag meldte seg på i konkurransen. Avstemminga gjekk føre seg på Tussa sine nye Facebook-sider.

Responsen på konkurransen var formidabel. I løpet av november stemte rundt 7 000 personar på sin favoritt. Totalt kom det inn heile 119 788 stemmer!

Premieutdeling

Tysdag 4. desember var det premieutdeling på Tussatun, der det vanka pengepremiar til både Hovdebygda IL og Volda TIL.

- Eit av Tussa sine mål på Facebook er å engasjere, og denne konkurransen har verkeleg gjort det. Dei lokale idrettslaga våre har vist stort engasjement og fått enorm støtte frå lokalmiljøet. Vi er glade og stolte over å kunne gi eit bidrag som kan vidareutvikle dei gode fritidstilboda i området vårt, seier Lise Ulstein, sals- og marknadssjef i Tussa.

Poengfordeling

1. Hovdebygda 49.759

2. Volda IL 47.804

3. Ørsta IL 5.604

4. Hornindal IL 4.598

5. Sæbø IL 2.442

6. Vartdal IL 1.366

7. Larsnes IL 1.242

8. Hødd IL 1.131

9. Bergsøy IL 824

10. Tjørvåg IL 807

11. Hasundgot IL 773

12. Hareid IL 746

13. Gursken IL 516

14. Gjerdsvika IL 507

15. Åram/Van Kam FK 468

16. Gurskøy IL 441

17. Åmdal IL 296

18. Haddal IL 267

19. Flø IL 161