Messegeneral Webjørn Landmark hadde full kontroll på kjøkkenet, men også resten av julemessa på Ishavsmuseet i Brandal. Han fortel om ei særs godt besøkt julemesse, og berre laurdagen var det over 1.000 besøkande.

I år bikka talet på utstillarar 50, noko som er ti meir enn fjoråret. I år var det samstundes eit større fokus på variasjon blant utstillarane, fortel Landmark.

- Vi fekk tilbakemeldingar på at det kunne bli mange standar med mykje av det same, så no trur eg vi har fått til ei messe med noko for einkvar smak.

På årets messe kunne ein få diverse produkt i ull, glaskunst, handlaga knivar og smykker, fisk og mykje anna fint og godt. Nonnene frå Norddal hadde også teke turen, og var eit populært innslag under messa.

Sjå bileteserie i toppen av saka.

Les meir om julemessa i tysdagsutgåva av Vikebladet Vestposten.