Storstilt strandrydding på Ytre Søre

Kommunane Hareid, Sande, Herøy og Ulstein inviterer, saman med SSR, til stor strandryddingsdugnad frå og med komande måndag 16. april og til 7. mai. Målet er å gjere kystlinja fri for marint avfall. Vi nærmar oss 17.-mai - og i tillegg får Ytre Søre besøk av kronprinsen og kronprinsessa seinare denne månaden. Alle som vil, kan vere med på å rydde, men det blir tilrådd at born ryddar i lag med vaksne. Dugnadsfolk kan hente sekker og registreringsskjema på servicekontoret i sin eigen kommune. Kommunane har liste over prioriterte plassar å rydde. Avfallet kan leverast gratis på SSR sine miljøstasjonar i ryddeperioda. Vilkåret er at den enkelte ryddaren har med seg eit ferdig utfylt registreringsskjema saman med innleveringa av avfallet. Skjemaet blir utdelt på servicekontoret ved henting av sekker.