I dag, onsdag 5. desember mellom klokka 9 og 10, registrerte Tussa det høgste straumforbruket nokon gong i nedslagsfeltet sitt. Heile 185 MWh vart brukt i rekordtimen.
- Forbrukstoppar går gjerne hand i hand med høge straumprisar, men i dag har prisen på straum vore relativt låg. Snittprisen 5. desember var på 39 øre per kWh, melder Tussa.
Kraftselskapet fortel at til samanlikning var forbruket ved førre forbruksrekord 182 MWh i timen. Det var den 8. januar 2010. Då kosta straumen 8,20 kroner per kWh.