Ekornes reduserer kapasiteten ved fabrikkane i nordvest med fem dagar i mai og juni på grunn av låg ordreinngang, skriv Sunnmørsposten. Det tilsvarer 8 prosent av kapasiteten i Stressless-segmentet i andre kvartal 2016.
Dette råkar 700-800 tilsette i fabrikkane i Sykkylven, Hareid og Hornindal. Hovudtillitsvald Edvard Lie kommenterer til Sunnmørsposten at det ikkje er positivt å ha lite å gjere, men måten dei gjer det blir alle berørt, også leiinga.
Dette skjer kort tid etter Ekornes melde om rekordomsetjing i første kvartal i år.