I samband med at kongeparet gjestar Sunnmøre neste veke, vert ferjekaia på Larsnes stengd onsdag 31. august mellom klokka 14.15 og 17.30 opplyser Fram i ei pressemelding.

Dei som hadde planar om å ta ferje frå Larsnes til Åram, Voksa og Kvamsøya klokka 14.40, må merke seg at denne avgangen vert flytta fram til klokka 14.10. Vidare vert avgangane klokka 16.20 og 17.00 innstilte. Det samme vert dei korresponderande bussavgangane til og frå Larsnes ferjekai.

«I same periode vil A-ferja trafikkere Åram-Voksa-Kvamsøya etter ordinær ruteplan. B-ferja kjem til å trafikkere Kvamsøya og Voksa etter ordinær ruteplan, samt anløpe Åram ferjekai. Busslinje 310 Åheim-Årvik-Garnes-Hareid vil køyre etter ordinær ruteplan i perioden, men vil bruke haldeplassane i Larsnes sentrum», opplyser Fram.

Kongeparet kjem på besøk til Vanylven og Sande onsdag og torsdag går turen vidare til Hareid.