I desse dagar er det tre år sidan dei to tamilske kameratane Raja-Yogarajah og Mylvakanam-Bala opna Hareid Pizzarestaurant på Hareid. Måndag 25. mai og tysdag 26. mai feirar dei jubileet med reduserte prisar på stor pizza. Raja og Mylvakanam fortel at pizzarestauranten deira er ein populær stad for barnefamiliar og andre. Når sola skin er det fint å sitje ved borda utanfor restauranten og sjå utover havet. Sjølv om Hareid Pizzarestaurant kanskje er mest kjend for pizza har dei langt meir på menyen. Dei kan diske opp med både pasta, ulike kjøtretter, salat, ris, og kebab.
