Dimna-utøvarane si beste individuelle plassering under nordisk juniorlandskamp i friidrett i Esbo, Finland, i helga var Karsten Warhollm (17) sin 4.-plass i lengdehopp med 7.08. Vinnaren hadde 7.69.
Warholm tok elles ein 6.-plass på 110 m hekk på 14.82. Her hadde vinnaren 14.10.
Henrik Overvåg deltok ikkje individuelt, men var med på Norge sitt lag på 4x100 m stafett. Laget tok ein 3.-plass på 41.07.
Karsten Warholm deltok på Norge sitt lag på 4x400 m stafett. Dei kom på 2.-plass med tida 3.14.55 - slått av Finland med berre 4 tidels sekund.
Juniorlandskampen var mellom Finland (som vann samanlagt), Sverige, Norge og Danmark/Island.