Alien som har hengt på vestveggen på Trudvang/Fantehuset sidan juni 2015 har byrja å falle frå kvarandre. Om det er hærverk veit vi ikkje, men motivet har vore omstridd.
Enkelte meiner Alien er svært tøff der han heng, medan andre meiner han er ei skam for bygda og ikkje høver seg som "inngangsporten" til Hareid.
Det er den britiske gatekunstnaren JPS, Jamie Paul Scanion som har måla Alien på plater og fått lokale pådrivarar til Fantehuset med på å henge det opp på veggen.
Rundt om i Hareid kommune har JPS måla mange andre motiv. Alt frå jenter på reiser, diinosaurusar, kattar og klovnar.