Sidan Hødd er regjerande norgesmeistrar og dermed klare for spel i Europa League neste år, kunne dei også ha delteke i den internasjonale turneringa Copa del Sol (Spania) i januar.
Men denne turneringa valde Hødd å hoppe over.
Tapande cupfinalist Tromsø (som berre får Europa League-plass om Norge scorar høgt på UEFA si Fair Play-kåring) tok Hødd sin plass. Dei har hamna i Copa del Sol-gruppe med Molde, FC København (Danmark), Vaslui (Romania) og RTS Widzew Lodz (Polen).
Både Molde, FC København og Vaslui spelte i Europa League denne hausten. Molde og FCK rauk ut i puljespelet, medan Vaslui tapte mot italienske Inter i play-off-runden.
I den andre Copa del Sol-gruppa møtest Rosenborg, Strømsgodset, IFK Göteborg (Sverige), NK Olimpija Ljubljana (Slovenia), Shaktar Donetsk (Ukraina) og CSKA Moskva (Russland).
Kjelde: 100 % Fotball