Ulstein kommune er med i den nasjonale satsinga Alle med, så alle born og unge skal få moglegheit til å vere med i fritidsaktivitetar uavhengig av økonomien i familien.

Dei siste åra har det vore arrangert ulike aktivitetar i kvar skuleferie. Også i påska er det ein del som skjer.

Måndag 3. april

Måndagskvelden kan ungdom frå 8. trinn og opp til 18-åringar få prøve padel gratis. Det er oppmøt på Ulstein Padel.

Same kveld er det tilbod om gaming på Ulstein Arena. Dette tilbodet er frå 5. klasse og til og med 18-åringar.

Tysdag 4. april

Først er det familiedag på Ulstein Arena, med ulike aktivitetar.

Deretter er det open hall for femte- og sjetteklassingar. Dei kan lokka med kjekke aktivitetar i idrettshallen på Ulstein Arena.

På ettermiddagen er det open hall same stad for sjuande- og åttandeklassingar.

På kvelden er det taco-tysdag på Bell Ungdomsklubb. Her blir det lagt opp til at ungdomane lagar taco i lag, og kjellaren er open. Dette er for ungdom frå åttandetrinn og opp til 18 år.

Onsdag 5. april

Onsdag er det gratis bading på Ulstein Arena, frå ni om morgonen til ni på kvelden. Du registrerer namn, etternamn, klasse og skule i resepsjonen når du kjem. Dette er for born og unge frå sjuandetrinn og opp til 18 år som er busette i Ulstein kommune.

Laurdag 8. april

Påskeaftan er det spesialpris på Super Mario Bros. filmen på Sjøborg kino. Kvar husstand kan kjøpe maks fire billettar.

Heile veka

Tradisjonen tru blir det også påskerebus. Den startar 3. april og varer heile påskeveka. Det er laga til fire ulike rebusar. Kvar tur har ti spørsmål. Rebusane finn du her: Selvåg, Larsstien, Høgåsen og Sentrum (frå Bell ungdomsklubb).

Ved å sende inn svar er du med i trekninga om premiar.