Det kan kanskje sjå ut som eit bankran, men det er dei spreke tilsette i SpareBank 1 Søre Sunnmøre som tek ein "Rosa-planke".

- Totalt var det heile 56 tilsette i SpareBank 1 Søre Sunnmøre som fredag stilte opp og tok "planken", der banken ga 100 kroner per deltaker til støtte for Rosa sløyfe-aksjonen, fortel Robert Bratteberg i SpareBank 1 Søre Sunnmøre.

Utfordringa kjem opphaveleg frå BN bank som oppmodar alle bankar om å ta "rosa-planke".

- Forsking på kreft er viktig, og det er flott at vi saman kan støtte ei så viktig sak, seier Bratteberg som fortel at det på kontoret i Ulsteinvik var seks deltakarar som tok planken.