Handelens Ølsalgsråd er det som tidlegare var Opplysningskomiteen for ølomsetning. Sidan 70-talet har dei arbeidd for ei sikker omsetning av øl i butikk. Dei er særleg opptekne av at dei som kjøper øl skal vere over 18 år. Handelens Ølsalgsråd er eit samarbeid mellom Bryggeri- og mineralvannforeninga og dei fire daglegvarekjedene. I rådet sit to representantar frå bryggerinæringa, ein frå Norgesgruppen, ein frå ICA, ein frå Coop Noreg og ein frå Rema 1000. Det er elleve kommunar att i Noreg med ølmonopol i staden for øl i butikk. Det er Lyngdal, Sogndal, Førde, Hareid, Ulstein, Vefsn (Mosjøen), Fauske, Rognan, Vågan (Svolvær), Bø i Vesterålen og Kautokeino. Handelens Ølsalgsråd har bestilt spørjegransking for alle desse kommunane. Samstundes reiser dei rundt i kommunane og har møte med butikkane. I Hareid skal representantar frå alle daglegvarebutikkane ha møtt opp. Men på møtet i Ulsteinvik møtte berre representantar frå tre butikkar. Resultatet frå granskinga er ikkje klar. Vikebladet Vestposten kjem tilbake med meir i denne saka då.