Selskapet vann anbodskonkurransen om lostenester for dei neste ti åra. Til sommaren neste år skal Buksér og Berging ta over heile losbåttenesta. Dei tek over losbåtane til Kystverket, tilbyr fast jobb til losbåtførarane og aukar staben på land, skriv Maritime.no.

Reiarlaget skal også investere i ti nye båtar, og då håpar sjefen i reiarlaget, John A. Nielsen, å byggje på heimebane.

– Me har ein tradisjon for å byggje i Noreg. No som eurokursen er høg, er dei norske verfta merkbart meir konkurransedyktige, seier Nielsen til Maritime.no.

Med dei ti nye båtane kjem losbåtflåten opp i 35 fartøy.