"Melshorn" er på verkstad, og mange bilar må vente medan "Vardehorn" trafikkerer fjorden åleine. Planen til Hurtigruten Group var å setje "Hamarøy" inn i sambandet. Men no viser det seg at denne ferja stikk for djupt for ferjeleiet på Hareid. Driftssjef Oddvar Rundereim i Hourtigruten Group beklager at det no er mange passasjerar som må vente vel ein halv time før dei kjem seg med ferja. Begge ferjene tek 120 småbilar, og med Melshorn ute av drift blir ferjekøene lange. Det var planlagt at Melshorn skulle på verkstad for overhaling i 14 dagar. Rundereim opplyser at selskapet derfor hadde sendt 100-bilars ferja ""Hamarøy" ut på ein 550 nautiske mil tur for å gå inn i sambandet mellom Hareid og Sula. Ferja kjem frå Skarberget like ved Harstad og ligg no ved Volda Mek. Problemet er at "Hamarøy" stikk litt djupare i sjøen enn Vardehorn og Melshorn gjer. Hurtigruten Group hadde gått ut frå at djupna ved ferjekaia på Hareid var 4,2 meter. Men målingar som Statens vegvesen utførde måndag føremiddag har avdekt at djupna er berre på 3,6 meter. Dermed kan ikkje Hamarøy nyttast på Hareid. - Vi jobbar på spreng med å skaffe ei ny ferje. Både i vårt eige system og hos Fjord 1 MRF. Men vi klarer ikkje å få ei ny inn i sambandet i dag, opplyser Rundereim, som beklager at bilistane no må vente i opp til ein halv time. Men sjølv om Hamarøy har segla 550 nautiske sjømil i 40 timar for å gå i sambandet Hareid-Sulesund, presiserer Rundereim at turen ikkje har vore fåtnyttes. For ferja har vore til overhaling ved Volda Mek. Verksted.