Det vart fullt hus i Hareid kyrkje under konfirmasjonsgudsteneste laurdag. 18 gutar og jenter vart konfirmerte i kvar av dei to gudstenestene laurdag, medan 20 konfirmantar inntek kyrkja søndag.

Konfirmasjonsgudstenesta vart heldt av Oddmund Måseide og Barbro Østrem.

Østrem minte konfirmantane på det dei har lært i løpet av konfirmasjonstida og la vekt på at kvar og ein er unike og verdifulle.

- Ikkje alle kan vinne Idol eller vere like Justin Bieber, men alle er unike og må ta vare på det, fortalde ho.

Den andre konfirmasjonsgudstenesta laurdag fekk ein munter start då ein katt fann vegen inn i kyrkja og måtte visast vegen ut før kyrkjelyden tok i mot konfirmantane.