Søndag kveld sette M/S "Island Constructor" kursen mot Stavanger. Fartøyet som er eigd av Island Offshore og bygd ved Ulstein verft. I fem dagar har dei arbeidd med å heve Colin Archer-skøyta "Wyvern" som gjekk ned i Austersjøen 11. juni.
Stavanger Aftenblad har hatt live-dekning av hevinga og administrerande direktør i Island Offshore, Håvard Ulstein fortel til avisa at det er heilt fantastisk at "Wyvern" no er på veg tilbake til Stavanger.
Etter planen skal M/S "Island Constructor", med "Wyvern" ombord, kome til Stavanger onsdag ettermiddag og det er planlagt ein folkefest i Vågen for å ta i mot skøyta.