Fellesforbundet tok 17. mai ut nye 50 tilsette i hotell- og restaurantbransjen i streik, og med det har streiken som no har vart i nesten tre veker eskalert ytterlegare.
Dei nye som blei tekne ut i streik blei tekne ut på Gardermoen, på Vollan Gjestestue i Troms, ved Radisson Blu hotell i Haugesund og ved Sunndalsøra Hotell. Det skriv NTB. 7.200 hotell- og restauranttilsette over heile landet er no ute i streik.
Laurdag kom det ubekrefta rykter om at NHO Reiseliv ville kome med ei konkret løysing, eller forslag til ei konkret løysing. Men, det blei med ryktet, og streiken held altså fram med endå større styrke.
I Ulsteinvik er fleire av dei tilsette ved Quality Hotell Ulstein framleis i streik.