Pianobaren har blitt kantine der det einaste som tappast er skummamjølk. Ulstein Dancing er omgjort til SUFH Dancing med koseleg bulepreg og Farmann skapt om til kapell med utsyn mot himmel og hav. Det er ingen tvil: Sunnmøre Folkehøgskule har innteke Ulstein Hotel på Varleitet.
I Ulstein Dancing er det berre dei blinkande lysa i taket som er att av det gamle hotellinteriøret. Rektor Trond Berg og lærar Jan Einar Roos opplyser at rommet blir hovudopphaldsrommet til elevane ved SUFH.