Pensjonert brannsjef i Volda, Svein Arnesen, meiner planane om å la E-39 gå gjennom Eiksundsambandet må parkerast for godt.
- Tunnelen er bygd som fastlandssamband med Søryane og slett ikkje som E-39, seier Arnesen til avisa Møre.
Han meiner mellom anna at viftene i tunnelen ikkje er kraftige nok til å takle til dømes ein trailerbrann av den typen som oppstod i Gudvangatunnelen i sommar.
Arnesen peikar også på faren for at tunge køyrety skal få varmgang i bremsene på veg ned mot botnen av tunnelen.