Kvalsvik Kjøkken har flytta frå Hareid til Saunesmarka i Ulsteinvik. Butikksjef Sonja Nerland fortel at flyttinga til dei nye lyse og lette lokala er ei storsatsing for dei. Det er ei sann glede å få boltre seg i dei nye lokala der dei får vise kjøken, bad, garderobar og soverom i form av rom, “leilegheiter” og komplette miljø.

Leverer alt ferdig

Kvalsvik Studio kan altså by på meir enn kjøkken. I tillegg til møblar har dei kvitevarer og tilbehør som lampar, speglar og bilete. Alt som høyrer med for å skape det rette miljøet, derav namnet Kvalsvik Studio.

Alle moduler frå Kvalsvik kjem ferdig sammensatte, og dei tilbyr også montering og ferdigstilling i heimen. Nerland legg til at mange kundar set pris på å ha få leverandørar å forhalde seg til under f.eks husbygging, og som totalleverandører kan dei hjelpe til med heile prosessen.

Jubileum og opningshelg

Det er seksti år sidan Gunnar O. og Marry Kvalsvik starta Kvalsvik Kjøkken. Varene blir produserte på Kvalsvik sin fabrikk i Dovre kommune med høgteknologisk utstyr. Kvalsvik har i dag femten forhandlarar og to eigne butikkar.

Varene blir laga og tilpassa på mål etter kunden sine ønskjer. Norskproduserte varer som blir spesialtilpassa kan kanskje høyrest dyrt ut, men Nerland meiner dei er konkurransedyktige på pris.

Butikken flytta uoffisielt inn i dei nye lokala for tre veker sidan, men førstkomande helg (29. til 31. august) skal dei har opningshelg.

Torsdag stiller Siemens, Miele, Gautvik Stenindustri og Foss Plater med representantar for å demonstrere produkta sine. Der blir elles kaffi, kaker og cupcakes.

Nærare marknaden

Kvalsvik flytta frå Hareid til Saunesmarka for å vere nærare marknaden. Den nye Kvivsvegen gjev dei merkbart større arbeidsområde. Det er viktige for dei å vere synlege og tilgjengelege.

Det har alt vore mange kundar innom dei nye lokala, sjølv om flyttinga gjekk føre seg i det stille.

Frå klassisk til moderne

Kvalsvik kjøkken til kan tilby mange ulike stilar. Her er alt frå det enkle. minimalistiske til det klassiske og tradisjonsrike.

Dei fleste vel lyse/kvite kjøkken, men det er ein aukande trend at fleire vil ha grått kjøkken.

Kvalsvik var først på marknaden med motoriserte kjøkken der ein kan heve bordet heilt frå sitjeplass til bar. Dei tilbyr også motoriserte skuffer og skåp, noko som kan vere ein fordel om ein til dømes bakar og er klissete på hendene, men vil nedi ei skuff eller nå tak i søppelbøtta.

– Vår sterkaste side er at me kan tilpasse kjøken akkurat sånn kunden ønskjer det, både med fargar og løysingar, slår butikksjefen fast.