Inga støtte til "Rolf sin"-bok

@br-txt notis.u.innrykk:I den nye tilrådinga frå rådmannen frårår han Ulstein formannskap å løyve pengar frå næringsfondet til Line Urke. @br-txt notis.m.innrykk:Tidlegare i sommar diskuterte Ulstein formannskap om dei skulle gje stønad til Line Urke frå næringsfondet. Innstillinga frå administrasjonen var då å gje henne opp til 55 000 kroner til frikjøpt tid for å skrive boka om "Rolf sin". Men formannskapet var skeptiske til å løyve så mykje pengar til eit tiltak som ikkje vil skaffe varige arbeidsplassar, sjølv om dei meinte det var eit fint tiltak å skrive ei slik bok. Difor sende dei saka attende til administrasjonen for ny vurdering. Tysdag 30. juni skal saka opp på ny i formannskapet. Denne gongen har rådmannen ikkje funne grunnlag i retningslinene for tildeling av tilskot frå næringsfondet til bokprosjektet. Levekårsutvalet har vedteke å støtte bokprosjektet ved å kjøpe bøker for 5000 kroner.