Det er nettsidene til Hareid kommune som melder om at Ivan Nesset nyleg har køyrd opp eit fem meter breitt skispor rundt Hovdenakken. Om ein startar ved Golfbana kan ein ta ei runde der før ein går beint fram på Eidet, opp Fjellsbrekkane og bort langs med Hammarstøylvatnet før ein fer ned til Nesset via renseanlegget, skriv kommunen. Det blir òg arbeidd med å få trakka løype opp til Brørene.