«Ørsta - der fjord møter fjell» er forslaget Ørsta Reiselivslag har kome med i debatten om slagord for Ørsta kommune.
Styret i Ørsta Reiselivslag drøfta tysdag nytt slagord for Ørsta kommune i samband med høyringa av samfunnsdelen til kommuneplanen og kommunen sin planstrategi.
– Fleire i styret uttrykte ønske om at ordet «fjord» bør vere med. Fjell som speglar seg i fjorden er symbolet som vert nytta i Ørsta sitt kommunevåpen, fortel reiselivssjef Siri Dahl til avisa Møre-Nytt. Ho legg til at at dei kan formidle slagordet både nasjonalt og internasjonalt.
Ulsteiningar vil kanskje legge merke til at slagordet er slåande likt UIstein kommune sitt i stil, «Ulstein - der baug bryt båre».