Trudde du at «Ullensvang» i sambandet Hareid-Sulesund er eldst, må du tru om igjen.

I ein reportasje i Sunnmørsposten fredag var det trykt ei oversikt over byggeåra til dei ulike ferjene som trafikkerer i Møre og Romsdal.

Heile 11 av ferjene har tidlegare byggeår enn Ullensvang, som er bygt i 1986 og dermed 29 år gamal. Den eldste ferja er «Goma», som går på Hjørundfjorden. «Goma» er bygt i 1968 og dermed altså 47 år gamal. «Sykkylvsfjord», som trafikkerer Stranda-Liabygda, er 40 år gamal, medan «Kvernes» i sambandet Festøya-Solavågen er 39 år.