Med over ti års fartstid, fleire hundre tusen selde billettar og millionar av visningar på Youtube og sosiale media, har Klypa vist seg som ein av Noregs største humor-suksessar.
I Klypa si galne verd møter me ferjevennen Kjellen og rånarvennen Palle, som stadig må løyse livets mindre og større problem, anten det gjeld svele-bakst eller plagsomme ekskjerringar.
No satsar mannen bak dei to livlege karakterane, Thomas N. Ryste, på å bli den første komikaren i landet, og den første ferjemannen i verda, med eigen emoji-app, nemleg Kjellemoji.
– Kim Kardashian og Justin Bieber har tidlegare gjort stor suksess med sine emojiar, seier Ryste. – Men no er det nye sveler i panna, for å seie det slik.
Ryste lovar hard konkurranse og ein emoji fullstappa med alt ein ekte Klypa-fan- og andre, måtte trenge i sin daglege tekstmelding- og sosiale mediabruk.
– Her får du Granada, ferjer, wunderbaum, Hovdebygda, sveler, moonwalk i tresko og sjølvsagt ein haug med Kjellen og Palle sine andletsuttrykk. Vellkjende fraser som "Meeeget oppegåande", "la gå" og "forbannja drit" fylgjer også med i samlinga som no tel 150 symbol.
Kjellemoji er produsert i samarbeid med design- og reklamebyrået Kib & Morits. Raindog Studios har stått illustrasjonane, og App Media for programmering.