21-åringen blei stemt fram som vinnar via European Athletics sine Facebook og Twitter-sider dei siste fem dagane.

Med prisen blei Warholm den andre norske vinnaren på to månader, då rekordmannen på maraton, Sondre Norstad Moen, fekk prisen for desember.

Warholm opna som kjent sesongen sin under Dimna Games i Ulsteinhallen, der han sette ein imponerande norsk rekord på 400 meter med tida 45,88.

Warholm ligg nok godt an til å bli månadens utøvar også i februar, då han under NM i starten av februar knuste denne rekorden ytterlegare. Tida hans blei 45,59, ei tangering av den nordiske innandørsrekorden. Og etter planen skal han teste hekkeforma til helga, med 300 meter hekk i Tammerfors.

Irske Phil Healy blei stemt fram som beste kvinnelege friidrettsutøvar i Europa.