Hødd sin toppskårar, Markus Kvame Naglestad, er speleklar igjen til kampen mot Fløy (Flekkerøy Idrettslag) på Høddvoll laurdag.
Han stod over kampen mot Skeid sist helg etter han fekk ein skade i ankelen i cupkampen mot Bodø/Glimt.
Og kjem han på bana, er det stor sjanse for at han får spele mot broren sin.
Broren, Johan Kvame Naglestad, er nemleg Fløy-spelar.
– Eg skal etter alt å døme spele mot Hødd, så då blir det ein brødreduell, seier Johan til Vikebladet Vestposten.
Han er fredag ettermiddag på veg frå Kristiansand til Ulsteinvik saman med resten av laget.
Kampen startar klokka 17.