Sprang over 200 kilometer på 24 timar

Therese Falk sprang 20,3 mil og samla inn 50.000 til Plans Jentefond.

Ultraløp: Therese Falk sprang 20,3 mil på 24 timar og samla inn 50.000 kroner til Plans Jentefond. 

Sport

Therese Falk (39) frå Hareid – no busett i Oslo – sprang 20,3 mil under «Bislett 24-timars» sist helg.

Det gav 50.000 kroner til Plans Jentefond.

Målet var 100 miles

Mange vil kanskje hugse at Therese fortalde om planane sine då ho deltok i Nordvest Maraton på Hareid i sommar. Plans Jentefond gir jenter rundt om i verda sjansen til å utdanne seg ut av fattigdom.

Til bladet Sportsmanden fortel Therese at målet var å springe 100 engelske miles, d.v.s. 16,1 norske mil. Men då dei 24 timane hadde gått var den tilbakelagde distansen på heile 203,549 kilometer. Berre noregsmeisteren i fjor, Edna Leikvoll, hadde lenger distanse blant kvinnene. Ho sprang nesten 20,6 mil.

«Hulke-gret»

Therese fortel på Facebook-sida si at ho «hulke-gret» seg gjennom dei 10 siste kilometrane.

På førehand tok Therese kontakt med fleire bedrifter og oppretta ei eiga side der privatpersonar kunne gi pengar.