Sist helg tok Hødd-damene årets fyrste poeng då dei spelte 2-2 mot Nidelv på Høddvoll. Laurdag vart det derimot nok eit tap på bortebane då damene reiste til Trondheim for å møte Byåsen.

Kampens fyrste skåring kom til heimelaget etter om lag ein halvtimes spel. Byåsen auka så leiinga til 2-0 like før pause. To nye skåringar i andre omgang sikra sigeren for trønderane.

Ragnhild Ertesvåg gav Hødd eit trøstemål nokre minutt før full tid.

Hødd-trenar Ole Per Kragset er glad for å ha unnagjort dei to vanskelegaste bortekampane denne sesongen, og trur på ein betre poengfangst framover.

Hødds lag: Amalie Kragset - Benedikte Nevstad, Hanna Urke Møllerstad, Susann kragset, Ellen Nerland Aahjem - Miriam Tvedt, Mari Heggem, Ragnhild Ertesvåg, Silje Holstad, Vilde Hasund - Angelica Vattøy.

Les meir om kampen i tysdagsavisa.