Nytt opprykk?

Thomas Lid Kleppe var fast stoppar (og straffeskyttar) då Hødd vann si 2.-divisjonsavdeling i 2010.

I år kan Kleppe igjen oppleve opprykk til Adeccoligaen. Nest-Sotra ligg på førsteplass i avdeling 3 – fem poeng framfor Vindbjart.

Kleppe har spelt 14 av 18 Nest Sotra-kampar i serien så langt i år. Ørstingen har også scora tre mål.

PS. 26-åringen hadde i utgangspunktet kontrakt med Hødd også i år, men grunna lite speletid i 2011 og 2012 valde han å skifte beite etter cupfinalen i fjor. Kleppe har også spelt for Nest-Sotra i 2.-divisjon tidlegare. I tillegg har han representert Volda, Vartdal og moderklubben Ørsta.