Maratonen gjekk laurdag. Kondis.no melder at mykje vind prega løpet. Det var også frykta at isen kunne øydelegge forholda, men varmen som kom i helga gjorde at vegane ikkje var spesielt glatte.
Joar Moldskred frå Haddal (spring for Hakkalestranda) tok tredjeplassen på heil distanse. Han kom i mål på tida 3.03.22. Halvvegs passerte Moldskred som nummer to. Resultatet var uansett godt. Spesielt med tanke på at han har slite med skadar den siste tida.
Heilmaratonen vart suverent vunne av André Hammerø Løseth frå Molde. Han sprang i mål til tida 2.37.20.
17 løparar gjennomførte heil distanse. Over dobbelt så mange sprang halvmaraton. Kjell M. Fagerlund frå Hasundgot fekk der tida 1.54.05.