Måndag kveld opna arrangørane av Sparebank 1 Grendacupen på Hareid for påmelding til årets turnering. Den blir som vanleg arrangert i Hareidhallen 28. og 29. desember.

Det blir både herre- og dameklasse, samt ungdomsklasser for gutar og jenter. Påmeldinga til årets turnering er open fram til like før midnatt 10. desember, og dermed har ein om lag ein månad på å sette saman eit slagkraftig lag til årets Grendacup.

Grendacupen har blitt arrangert kvar romjul sidan den første turneringa i 1994. Ifølgje arrangørane blir det ikkje nokon regelendringar i høve fjorårets turnering.