Fredrik Klock (31) har lenge heldt det hemmeleg kor vidt han gir seg i Hødd etter denne sesongen. I dag skriv NRK at ålesundaren spelar sin siste Hødd-kamp i cupfinalen mot Tromsø søndag. - Ei rett avgjersle, seier Klock til statskanalen.
Han kom til Hødd framfor 2006-sesongen etter å ha spelt for Aalesund, Lillehammer og Brann som seniorspelar. Frå 2008 har Fredrik Klock vore Hødd-kaptein. Alle desse sju sesongane har 31-åringen vore fast i midtforsvaret.
Før cupfinalen står Klock med 247 kampar og 23 mål for Hødd a-lag.
Hødd har tre andre midtstopparar med kontrakt neste sesong; Steffen Moltu, Ørjan Engen Grimstad og Thomas Lid Kleppe.
Les også: