Følg Molde - Hødd

Neste kamp for Hødd er heime mot Brattvåg. Kampen skal etter planen gå på Høddvoll komande søndag, så sant Hødd får rydda Høddvoll til den tid.

Då er vi tilbake med både streaming og live-oppdateringar frå kampen. Sjåast då!

Andreomgangen til Hødd viser også at dei kan utfordre gode lag spelemessig. Syver Skundberg Skeide var svært positiv i sitt innhopp. Rasmus Bonde får sitt første mål i Hødd og Hødd tek med seg sigeren heim frå Molde. Ingen poeng delt ut i dag, men mykje positivt å ta med frå denne kampen.

Molde mangla ein del spelarar i denne kampen, men stilte likevel eit lag som er betre enn alle lag i Obosligaen. Heimelaget sette også inn stjerner som Berisha og Wolff Eikrem mot slutten, men det var det ikkje så mykje hjelp i.

Etter scoringa var Hødd nærare ei andre scoring enn det Molde var å utlikne, så dette er noko Hødd kan dra med seg mykje positivt frå.

Imponerande av Hødd. Spesielt andreomgangen var meget bra av Hødd og defensivt leverte bortelaget ein strålande kamp.

Der er det over! Hødd slår Molde på Aker Stadion!.

Molde med ballen. Spelar ut på venstre og slår inn i feltet, men der har Hødd kontroll. Strålande løyst defensivt.

Snart fem minutt på overtid.

Og kast til Molde

Ender med kast til Hødd etter kort corner.

Og så er det Håheim-Elveseter som får sjansen. Strålande av Tøsse som taklar Ibrahim. Hjelmeseth spelar vidare til ungguten som får skyte frå 15 meter. Keeper slår til corner.

Det blir ein stor sjanse! Molde får slått inn. Wolff Eikrem er på ballen, men han får ikkje styrt ballen på mål og den går ut til utspel frå keeper.

Molde med ballen no. Framleis tid til ei utlikning.

Hødd pressar seg nesten gjennom Molde-forsvaret. Vinn att ballen fleire gongar høgt i bana, men får akkurat ikkje lirka seg forbi siste ledd. Hødd best i avslutninga på oppgjeret.

Tøsse vinn ballen på midten og skaffar frispark.

På overtid no.

Hjelmeseth prøvar, men får for mykje luft under ballen. Retninga var ok, men ballen fauk eit stykke over mål.

Frispark til Martin Håheim-Elveseter like utanfor Molde-feltet. Skot frå Hjelmeseth eller Tøsse?

To minutt igjen før vi går inn i tilleggstida. Akkurat no ser det like truleg ut at Hødd skal få eitt til som at Molde skal utlikne.

Den ender med overgang for Molde, men Urnes er fint tilbake og stoppar forsøket. Den tidlegare Træff-spelaren har vore viktig på midten. Skikkeleg terrier.